«Сугышта хайваннар»: патриотлык сәгате (6+)
19 апрель көнне 8 нче санлы балалар китапханәсендә «Сугышта хайваннар» дигән патриотлык сәгате үткәрелде.       Презентация ярдәмендә балалар Бөек Ватан сугышы вакытында батырлыклар кылган хайваннар турында белде. Бу геройлар төрле-төрле булса да, барысы да – кечкенә күгәрченнәрдән башлап зур чыдам атларга кадәр җиңү өчен эшли. Китапханәче сугыштагы хайваннар «һөнәрләре» белән таныштырды һәм сугыш чорында кеше һәм хайваннарның аерым мөнәсәбәте турында сөйләде. Балалар дөяләр, боланнар, пошиларның да дошманга каршы «көрәшүе»н белеп гаҗәпләнде. Алар ни өчен күгәрченнең тынычлык, яхшылык һәм өмет символы итеп аталуы турында белде. Чара замана балаларына таныш булмаган кызыклы фактларга бай булды. |
